Cando nevaba
Cando quedaba no chau a neve
días
As táboas do piso
Cando a neve duraba no monte
máis de tres ou pouco menos
Saía cazar cunha sacha
Os coellos saían do toco
buscar comida
Pensar en comer é comer sen comer
pola neve malamente saltaban
E as pisadas na neve son unha ladaíña
E que fai unha cama parada nunha casa de xente
arrombada contra unha parede do soto
A cama dos convidados
está arriba posta e feita
Cadaquén é convidado
a súa fonte
A cama aí parada e desmontada non porfía
está calada, por veces abre os ollos
Está parada como non está parado o sol
e como non está parada a lúa na auga que está parada
Un acorda
darlle uso
Paréceseme na falta de uso a un pipo seco
pero máis a unha mina de auga tupida
Paxariño do oeste
vaite máis para o oeste
coma quen que morriches
E volve polo leste
Ferradura en Tránsito II 