catro poemas de FÍSICA ELEMENTAL (Rafa Lobelle)

O poemario ten catro partes, seleccionamos un de cadansúa parte. Velaquí llelos deixo. Disfrútenos:

“AUGA”

VIII

Lixar un chisco a superficie azul

chamando ao monstro das profundidades,

ese que agroma por veces a faciana

entre a turbulencia do lodo

pescudando o encantamento dos espectadores

para logo volver cara ao fondo abisal

onde ancoran os soños sulagados

onde moran os barcos afundidos

os segredos nunca revelados (23)

…………………………………………………………..

“AIRE”

II

AIRE

arcano profeta na súa terra

cábalas de ermitán na crica do cume

virxe escabarnada de guedellas encanadas

arrastando as varredallas da gubia

da rebolos de cando os segredos

polas congostras abaixo

as verdades que só ti cres saber (30)

……………………………………………………………..

“TERRA”

I

Os eucaliptos son pantasmas na noite

mirándote de esguello

peteirando de resío a TERRA dos teus ollos gastados

murchos de tanto mirar e non ver

……………………………………………………………………….

“LUME”

V

Cando nesta nova longa noite de pedra

quixemos albiscar trala físgoa

unha alborada de LUME

primeiro desconfiamos dos ollos

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair /  Cambiar )

Google photo

Estás a comentar desde a túa conta de Google. Sair /  Cambiar )

Twitter picture

Estás a comentar desde a túa conta de Twitter. Sair /  Cambiar )

Facebook photo

Estás a comentar desde a túa conta de Facebook. Sair /  Cambiar )

Conectando a %s